·
Simon係一個後生判頭仔，每單工程都係跟同一個上家，佢上家就係以前帶佢入行嘅師傅
佢做咗判頭之後，狂俾上家剝削，10萬變5萬，5萬變2萬，徒弟仔依然好聽師傅話
上家成日都拖成日都扣，唔講信用但把口好勁，啲生意越傾越大，連逐幾單做完都扣Simon起碼一半，之後連嗰一半都唔找，話下單一切過找返，但承諾從來冇兌現，爭落嘅錢越嚟越多
今年上家冇嘢判俾Simon做，更加冇錢找俾Simon，話自己中咗肺炎，上家未找數，又作咗啲理由話100萬扣一半，Simon只好接受，但佢再拖，過咗冇耐又話35萬埋單，於是Simon搵咗第一間收數公司
第一間收數公司接咗佢隻case之後，Simon花咗好多時間講解咩叫後加數，咩叫保固金，但講咗好耐啲職員都唔係太明，一直都話有消息就會通知佢，搵到佢上家但上家唔肯傾，發窮惡，最後過咗委托期Simon就要求中止委托，再搵咗我哋公司，由曾任職過工程公司嘅同事負責
經過我哋團隊多方面調查，發現到佢上家根本就收曬上上家啲錢，而佢一概做法係拖完再打折，再拖到人哋唔再追，大約有四五個下判都係咁嘅情況，於是我哋透過佢啲老闆(上家/業主)俾壓力佢，佢坦白洗大咗，願意分期還錢，由開始追收至第一期還款大約用咗5日時間左右