喺香港做生意，客人拖數或人間蒸發係經常發生。雖然有時候遇到嘅客人可以好賴皮，但只要抱住堅持不懈嘅心態，掌握正確嘅技巧同方法，客人找數並非難事。以下有5大秘訣，幫你快速收返應得嘅款項：
1. 保持積極同決心
成功追數嘅基石就係一個積極同決斷嘅心態。雖然追數可能會浪費好多時間、精力，但你唔可以因為覺得追數好難或麻煩，就半途而廢，覺得氣餒，因為除咗錢之外，亦關乎公司嘅面子同聲譽：你呢一單唔收錢白做，就等於縱容其他人走你數。所以你必須有耐心同毅力，堅持到底。
2. 保持冷靜同尊重
同客人聯絡時，態度要冷靜同尊重，唔可以做一啲過激嘅行為，避免變成惡性溝通，俾對方多一個借口唔找數，令局面更嚴重。盡量以友善同尊重嘅方式進行溝通。
3. 明確欠款詳情
喺開始追數前，必須先核實欠款嘅具體金額同情況，如果雙方對金額同細項未有共識或有爭議，應該積極聯絡對方跟進同確認，嘗試取得共識。
4. 積極主動聯絡
明確欠款詳情後，要盡快同客戶聯絡，確定付款日期；如果雙方協議分期付款，就需要確定付款次數，每期付款金額。你可能每月甚至每日都需要以電話、書面、甚至上門溝通，提醒對方要準時付款。
5. 尋求專業人士協助
如果以上嘅方法你都試過但唔成功，或者你真係覺得好麻煩，不妨試下搵專業人士幫手，例如收數公司。專業同合法嘅收數公司有經驗幫你設計有效嘅收數計劃，利用唔同嘅追數手法，提高成功率，或合法地透過高壓方式調解爭議，為你爭取最高金額並以最快嘅速度收回欠款。
香港巿面上有唔少嘅收數公司，選擇一間優質而且專業嘅收數公司能夠加強應收賬速度同長效，令你唔洗走冤枉路，不過每間收數公司嘅背景同性質都唔同，可以根據你現時情況同需求再選擇委託邊一間收數公司。
1. 公司性質
收數公司大致可以分為4個種類：
本身係財務公司，「兼職」做收數業務
呢啲公司嘅主要業務就係提供借貸服務，除咗為自己收數外，會偶爾「兼職」幫助其他客戶收數。
本身係電話中心，提供電話催繳欠款服務
呢啲公司嘅主要業務就係提供外判聯絡服務，除咗包括電話銷售、問卷調查、會員管理，都會包括電話催繳欠款嘅服務。
混水摸魚嘅收數公司
呢啲公司唔太關心債項成因，會向客戶先收取高昂嘅事前費用（查冊費），收錢後往往唔再提供進度報告同退回事前費用，客戶只會白白浪費金錢。
專門回收商業欠款嘅收數公司
呢啲公司嘅主要業務就係協助企業回收商業欠款，由於商業欠款種類繁多，佢哋通常都會專攻某幾種行業嘅欠款，都會熟悉嗰個行業嘅文化、操作、語言。
2. 公司背景
正如上一點所講，部份嘅收數公司有原來嘅「正職」，並唔係專門協助你回收商業欠款。佢哋好多時候都係客戶經理或普通嘅銷售人員，專業知識唔喺壞賬回收。巿面上都會有唔少一人嘅收數公司，收賬員都會充當接案人。而一啲具規模嘅收數公司，人員充足，分工清晰，各方面嘅資源較多，動員力較強，會相對較熟悉各行業嘅批款程序同運作，同埋針對嗰個行業嘅追收手法。所以客戶必須要小心挑選合適嘅收數公司，並從言語同交談之間得知到嗰間收數公司對你嘅行業係咪有充分了解。
3. 諮詢模式
市面上唔少收數公司都可以免費提供初步諮詢服務，會先審視客戶嘅需求同債項詳情，再進行諮詢同報價。亦有部份收數公司需要先收取部份款項後先開始諮詢，客戶可以再斟酌係咪進行付費諮詢。如收數公司冇提出進行會面諮詢，客戶應該主動提出要求收數公司安排一個會面諮詢，可以更好地了解收數公司嘅背景同規模。
4. 服務內容
收數公司通常可以提供委託文件同進度報告。但需要注意嘅係，如果收數公司聲稱可以在冇任何債項證明下（單據/合約/WhatsApp對話等）回收欠款，客戶應注意法律風險。
5. 收費模式
收費模式大致可以分為2個種類：
定額收費
定額收費就係完全劃一固定金額，或按個案嘅工作量計算，唔同回收金額掛鉤，一般由幾千到幾萬蚊都會有。由於成功與否都會需要支付收數費用，所以呢類收數公司唔太關心債項成因同證明，接洽過程較直接同快速。相對而言，呢類公司唔似「不成功不收費」嘅公司有結構性動機將回收金額最大化，所以十分需要喺委託前清晰了解嗰間收數公司嘅背景同規模。
按成功回收比例收費
市面上部份收數公司採用「按成功回收比例」模式收費，佣金比例由20%至50%不等，視乎逾期賬齡、可聯程度同爭議度，一般都會標榜「不成功不收費」。正如其名，委託呢類收數公司嘅好處係如果欠款回收失敗，客戶唔需要負擔任何金錢上嘅成本，更變相「免費」出氣。由於收數費用以比例計算，成功回收款項越高，收數佣金亦越高，所以呢種計算費用方法會令收數公司盡力提高回收金額。
搵收數公司？
Debt Hunter 成立於2009年，為中小企提供合法收數服務，追收團隊超過20人，絕無外判人員，已協助超過10,000家公司收回欠款，信用資料庫全港最齊，梗幫到你。
Debt Hunter 將通過不成功不收費、先調查後調解嘅模式，為傳統收數行業帶來新嘅變革，不斷為客戶創造價值，引領行業發展。