·
收數公司追私人借款就聽得多,但相信好多人都好好奇,專門追收商業欠款嘅收數公司係點樣嘅做法?喺合法嘅前提下,到底有啲咩特別嘅追數技巧,令本來十分賴皮,唔肯認數嘅公司乖乖找數?Debt Hunter作為專門追收商業欠款嘅合法收數公司,宜家就簡單講一下,我哋常用嘅調查流程、追數技巧:
A. 事前調查
- 調查欠債公司董事同相關人士持有嘅資產、其他公司同地址,搵出更多資產同收入來源
- 調查欠債公司同董事嘅債務、法庭記錄,評估整體財務狀況同還款能力
- 調查所得到嘅地址業權同欠債公司、董事之間嘅關係,搵出更多可能找數嘅突破口
- 調查欠債公司申請嘅政府資助或物業按揭,搵出佢哋嘅財務壓力同還款壓力
透過深入調查,全面了解欠債公司營運同財務狀況,制訂最有效嘅追收策略,展開全方位嘅追數行動。

B. 追收行動
1. 施加強大壓力
當調查結果顯示欠債公司企圖逃避還款或隱瞞資產時,我哋可以透過非常積極、進取方式聯絡欠債公司,例如派同事到欠債公司各個分店、仍施工中嘅地盤,向佢哋發出嚴正警告,明示已經掌握痛腳,並可能採取進一步嘅行動。進一步嘅行動可能會令欠債公司承受巨大損失——失去營業資金流同客戶、供應商停止合作、申請中嘅資助唔獲批、投標項目唔成功、銀行call loan、甚至因犯法而要負上刑事責任等,增加欠債公司嘅還款意願同機會。
2. 保留談判空間
我哋會為欠債公司保留談判餘地:共同協議還款方案同日期。一個現實可行嘅還款方案可以為欠債公司減少壓力同風險,同時保護你嘅權益。
3. 談判技巧
我哋嘅談判專家掌握咗影響各種談判結果同技巧,包括建立互信、控制談判節奏、有效運用時間等。經驗豐富嘅談判專家可以為你爭取最理想嘅還款結果。
Debt Hunter做法:100%保證合法,「按成功回收比例」模式收費(即不成功不收費)為主。
只要客人能提供欠債人有效聯絡電話/地址,我哋係唔會收取任何起動費、行政費、調查費、法律費。安排欠債人直接還款至客人嘅銀行戶口後,確定收妥後再由客人拆賬俾我哋公司。
至於拆賬拆幾多,視乎三個基本原則: 逾期賬齡、可聯程度、爭議度。
俾我哋了解你嘅個案,初步判斷追收難度再作報價。