近日，一間裝修公司嘅負責人朱生向Debt Hunter求助，話有一間設計公司拖佢哋嘅後加數。
朱生同佢班伙記喺上年10月幫間設計公司裝修咗第一間舖，但設計公司一直都未俾後加數，仲差緊HK$200,000。設計公司話要等朱生裝修好第二間舖先至一次過對數。
第二間舖喺上年12月先至開工，後加數又未收到。設計公司仲要催朱生喺1月31號之前搞掂嗰間舖。朱生同佢班伙記都已經盡力做，但係佢哋公司啲錢已經用晒，根本做唔到落去，唔夠錢出人工。
設計公司最初嗰個負責設計師話已經辭咗職，新嗰個設計師唔理朱生，又唔肯對數，話自己唔係老細，話唔到事，淨係識催佢哋快啲做完。而朱生又冇佢老細嘅電話。
朱生好驚設計公司會搵啲理由扣佢哋錢，甚至屈佢哋賠償罰款。所以佢哋唯有繼續做落去，希望可以盡快完成第二間舖。
拖工程數執咗3間再玩過：搵80路阿婆上名
朱生最後都係搵咗Debt Hunter幫手。我哋一查，發現間設計公司唔係第一次拖數，佢哋仲拖咗其他裝修公司成200萬。而且，設計公司上名嗰個老細係一個80幾歲嘅阿婆，真正嘅老細係佢個姪，之前開過3間設計公司，全部都拖完人尾數，執咗佢再開間新嘅玩過。
我哋搵到設計公司其他仲喺度裝修緊嘅舖頭，用呢啲痛腳俾壓力設計公司。最後，我哋安排咗雙方喺1月中對數，經過調解後，大家對金額終於有共識，設計公司亦喺一個星期之內就俾齊第一間舖嘅後加數。
Debt Hunter喺度提醒各位老闆，喺接Job之前應該要小心評估對家公司嘅信譽，同埋喺工程進行期間要定期對數，避免俾人拖尾數甚至屈錢，到時變咗冤大頭就唔好啦。如果遇到類似情況，可以及時搵專業人士幫手，保障自己嘅權益。
搵收數公司？
Debt Hunter 成立於2009年，為中小企提供合法收數服務，追收團隊超過20人，絕無外判人員，已協助超過10,000家公司收回欠款，信用資料庫全港最齊，梗幫到你。
Debt Hunter 將通過不成功不收費、先調查後調解嘅模式，為傳統收數行業帶來新嘅變革，不斷為客戶創造價值，引領行業發展。