2024公司報稅表點填?

免稅額 + 扣稅項目 + 注意事項

· Debt Hunter,收數,收數公司,收數資訊
2024公司報稅表

 

咩類型嘅公司需要報稅?

一般嚟講,持續經營同有盈利嘅有限同無限公司都要每年報稅,不過新登記嘅公司會喺成立後第18個月先收到第一張公司報稅表。而已經停業又未重新營業嘅公司,以及虧損或未有賺取應評稅利潤嘅公司,都唔使每年提交公司報稅表。

 

公司報稅教學:報稅表種類同點填

公司報稅除咗要填寫公司報稅表之外,仲要附上各項文件,所以最好及早準備。公司報稅表分為3種,分別為:

  • 利得稅報稅表-法團(BIR51
  • 利得稅報稅表-法團以外嘅人士(BIR52
  • 利得稅報稅表-有關非居住於香港嘅人士(BIR54

稅務局網站刊有3種公司報稅表嘅樣本,同時亦有指引指示公司報稅表應點填寫,喺填表前最好先行參考。除咗紙本公司報稅表之外,亦可以透過「稅務易」用電子方式填寫同提交公司報稅表,而且仲可以獲得多一個月嘅報稅時間。稅務局網站亦有指南介紹電子公司報稅表應點填寫同提交。

 

需要準備嘅文件

公司報稅除咗要交報稅表之外,仲要配合多項文件,包括:

  • 已填好嘅公司報稅表
  • 佐證文件,包括:財務狀況表、綜合收益表、核數師報告、利潤/虧損計算表、以及其他報稅表或表格內附註及說明嘅相關文件同資料
  • 利得稅計算表
  • 其他補充表格

 

公司利得稅稅率計算

香港公司嘅利得稅稅率係兩級制,列表如下:

A. 法團業務

應課稅盈利多於200萬港元嘅稅率:16.5%

應課稅盈利少於200萬港元嘅稅率:8.25%

B. 法團業務

應課稅盈利多於200萬港元嘅稅率:15%

應課稅盈利少於200萬港元嘅稅率:7.5%

 

公司利得稅免稅額及可扣稅嘅支出

同薪俸稅唔同,無論係有限公司定無限公司都冇基本利得稅免稅額,但只要係用嚟產生應評稅利潤嘅開支,都可以用嚟作稅項減免嘅項目,例如:

  • 公司租金
  • 僱員薪金
  • 強積金供款
  • 工作應酬交際費
  • 各種保險費
  • 與工作環境或工具有關嘅維修費

其他可扣除開支包括:

  • 建築物翻修
  • 電腦硬件及軟件購置開支
  • 環保設施,如電動車、廚餘機等
  • 慈善捐款

 

公司報稅嘅4大注意事項

1. 須按時報稅

任何情況下,都必須喺限期前提交公司報稅表,否則除咗有可能要多繳稅款之外,仲有可能被罰款或檢控。

2. 留意延報時間

一般嚟講,除咗新公司之外,無論係有限公司定無限公司,公司報稅表會喺4月第一個工作天發出,喺收到稅務局所發出嘅公司報稅表之後,要在1個月內或按公司報稅表上列明嘅限期前提交,如果透過電子方式填寫同提交報稅表嘅話,可以多1個月限期。不過,公司亦可以申請延期報稅,稅務局把今年提交公司報稅表嘅最後限期按公司嘅結帳日期分為四類:

 

N類

  • 財務年結:4至11月內
  • 延期期限:5月31日

D類

  • 財務年結:12月內
  • 延期期限:8月16日

M類

  • 財務年結:1至3月內
  • 延期期限:11月15日

M類(虧損)

  • 財務年結:1至3月內
  • 延期期限:1月31日

 

無營運公司仍須申報

無營運嘅公司必須向公司註冊處提交特別決議申請註記為Dormant(不動),而且唔展開任何業務活動,才可以豁免向稅務局提交審計報告。

 

誠實申報勿蓄意逃稅

根據法律,任何人蓄意逃稅或協助他人逃稅,可被判處罰款50,000港元,並被加徵相等於少徵稅款3倍嘅罰款,以及監禁3年,所以唔論係自己報稅定係搵會計報稅,都要誠實申報。

 

 

Debt Hunter做法:100%保證合法「按成功回收比例」模式收費(不成功不收費)為主。

只要客人能提供欠債人有效聯絡電話/地址,我哋係唔會收取任何起動費、行政費、調查費、法律費。安排欠債人直接還款至客人嘅銀行戶口後,確定收妥後再由客人拆賬俾我哋公司。

至於拆賬拆幾多,視乎三個基本原則: 逾期賬齡、可聯程度、爭議度

俾我哋了解你嘅個案,初步判斷追收難度再作報價。​