收數公司收費竟然低至10%？揭開平價追數背後真相+法律風險
收數公司收費竟然低至10%？揭開平價追數背後真相+法律風險
只收10%佣金？呢個價錢真係做得過？
「喂，我喺網上睇到有啲收數公司只收10%，點解你哋要收30%咁貴？人哋10%咪幾好，追到先俾錢，我咪可以慳返好多？」
作為一個俾人拖欠血汗錢嘅債主，當你第一眼睇到「收數公司收費10%」，心裡面一定會好興奮，覺得自己終於搵到救星，仲要係「超平、抵用、冇得輸」嘅方案。
但你有冇諗過，喺呢個充滿套路嘅收數市場裡面，天底下真係有「又平又有高質素」嘅免費午餐？今日我就同大家拆解收數公司呢個10%佣金嘅真相，等大家喺搵人幫手之前，唔好再中伏，最後錢又拎唔返，仲要惹嚟一身蟻。
點解「收數公司收費」會出現10%呢個數字？
要明白呢個現象，我哋先要了解一下收數行業嘅真實運作。
市場上有少數公司為咗短時間內增加市佔率，故意拋出「收數公司收費10%起」嘅宣傳口號。只要有一家公司減價，大家就會覺得「原來呢個先係市價」，搞到成個市場越做越卷。
但係，喺正規商業運作裡面，咩情況先至有可能做到10%呢種收費呢？
- 欠款金額極大（過百萬以上）：如果涉及金額數以百萬計，10%佣金已經數以十萬計，足夠支付營運成本。
- 債仔已有還款意慾：對方有固定地址、有資產、仲要肯俾九成錢，只剩低千零蚊尾數要拗，債主條氣唔順，純粹想俾啲教訓佢，幾乎打個電話就收錢。
但如果你手上嘅個案係：欠款只有幾萬至十幾萬，債仔又剛好搬走咗、搬去邊都唔知，需要重頭調查——喺呢種情況下，如果對方仲同你講「只收10%」，你就要非常小心！
拆解平價陷阱：10%佣金背後嘅三大營運真相
大家不妨計一條簡單嘅數學算式：
假設你追討HK$50,000，如果佣金係10%，成功之後收數公司只能賺到HK$5,000。
喺「不成功不收費」嘅前提下，一間專業嘅收數公司要派調查員外勤摸底、搵新地址、安排談判專家多次上門談判、甚至擬定具法律效力嘅還款協議——呢度涉及嘅交通、人力同時間成本，早已遠遠超過HK$5,000。
如果追唔到就係零收入，追到亦只得HK$5,000，世界上有邊間正常營運嘅公司會做呢種必蝕嘅生意？咁就係點解好多標榜10%嘅平價公司，背後往往有以下套路：
1. 名義上平，實則收取昂貴「行政費/開戶費」
- 宣稱成功佣金只要10%，但一開單就要求你先支付HK$5,000嘅「前期行政費」或「開戶費」。收完錢之後，佢哋便開始「擺爛」，反正前期費用已經收咗，條數追唔追得到對佢哋完全冇所謂。
2. 寄封範本信即Close File
- 因為成本有限，佢哋嘅追討手段可能僅限於幫你寄出一封無關痛癢嘅追討信。如果債仔唔理會，佢哋就會直接Close File放棄，完全冇後續嘅實地調查同談判行動。
3. 收數喺法律方面必須要拿捏得極度精準，平價公司容易越界
- 呢點亦係最危險嘅一點！喺香港，追數稍有不慎，極容易觸及《刑事罪行條例》中嘅恐嚇、騷擾，或者違反《個人資料（私隱）條例》。
專業嘅收數公司知道界線喺邊，懂得喺合法合規嘅框架下向債仔施加心理壓力；而一啲缺乏專業法律知識嘅平價中介，極可能採用過界粗暴嘅手法，例如俾HK$500至HK$1,000啲中學生淋紅油。最後警察上門，條數追唔返之餘，連身為債主嘅你都可能要承擔刑事責任！
你想買心理安慰，定係想真正追返啲錢？
想像一下，如果今天有人同你講：「有一部全新iPhone只賣 HK$500！」你會覺得自己執到寶，定係會懷疑對方係詐騙？收數公司收費亦係同一個道理。
你可以計計呢兩筆數：
- 方案 A（貪平方案）：搵收10%嘅平價公司，收幾千蚊行政費後擺爛，間唔中就巧立名目叫你加錢，最後追討失敗——你表面上好精明，成功「慳」咗佣金，結果實際落袋係HK$0。
- 方案 B（專業方案）：搵收30%嘅正常公司，完全冇前期費用，合法且精準地追返全部/部份金額，並支付30%佣金——你實際有70%落袋。
揀方案A嘅人會覺得自己精打細算，成功慳咗30%嘅「高額費用」，最後如願以償地得到100%嘅空氣；而揀方案B嘅人，心痛地俾30%佣金，卻只能委屈地收70%現金落袋。
100%嘅HK$0依然係HK$0；而透過專業手段幫你追返嘅70%現金，先係實實在在可以落袋嘅錢！
選擇專業，先係收返血汗錢嘅唯一正道
總結嚟講，正規、合法且負責任嘅收數公司收費，常規個案一般30%起跳。呢個數字反映嘅係背後龐大嘅合法調查成本、談判策略，以及極其關鍵嘅法律風險管控。
面對拖欠，請唔好再被「10%收費」嘅虛假甜言蜜語蒙蔽。
作為債主，你要搵嘅唔係一個只會打口水仗、賣弄廉價幻想嘅平價中介，而係一間收費透明、懂得法律界線、具備實質執行力嘅專業收數公司。唯有選擇啱嘅專業團隊，先可以令你條壞賬重見曙光。
搵收數公司？
Debt Hunter 自2009年起為中小企提供合法收數服務，追收團隊超過20人，絕無外判人員，已協助超過10,000家公司收回欠款，信用資料庫全港最齊，梗幫到你。
Debt Hunter 將通過不成功不收費、先調查後調解嘅模式，為傳統收數行業帶來新嘅變革，不斷為客戶創造價值，引領行業發展。