·
收數公司，對於唔少人嚟講都充滿神秘嘅色彩。但係，市面上收數公司林林種種，收費亦五花八門，到底邊種先至合理？點樣先至可以避免跌入收數公司嘅收費陷阱？
收數公司收費模式
收數公司收費模式主要分為2種：
- 定額收費：就係唔理你追到幾多錢，都會收取固定金額，或者按案件工作量計價。呢種收費方式一般由幾千蚊到幾萬蚊不等。由於成功與否都需要支付費用，所以呢類收數公司唔太關心債項成因同證明，接洽過程較直接同快速。不過，由於佢哋唔似「不成功不收費」嘅公司咁有結構性動機去將回收金額最大化，所以委託之前最好了解清楚呢間公司嘅背景同規模。
- 按成功回收比例收費：市面上部分收數公司採用「按成功回收比例」模式收費，佣金比例由20%至50%不等，視乎逾期賬齡、可聯程度同爭議度。呢種模式通常標榜「不成功不收費」，即係追唔到錢就唔使畀錢。委託呢類公司嘅好處係如果追唔到錢，唔使負擔任何金錢成本，變相「免費」出氣。由於收數費用以比例計算，成功追到嘅錢越多，收數佣金亦越高，所以呢種模式會令收數公司盡力提高回收金額。
收數公司點收費先叫合理？
收數公司收費合理與否，主要取決於以下因素：
- 先收取高額事前費用或訂金： 如果一家收數公司要求先收取高額事前費用或訂金，意味住佢哋主要收入來源就係事前費用。
- 收費過低： 例如要追HK$20,000但只收取嘅7%佣金，就可能唔合理。呢類收數公司會不停用較低價格去獲得大量客人，可能只靠運氣，同埋搵客人笨，成功率亦非常低。
收數公司收費陷阱
- 聲稱100%成功率： 任何聲稱能夠以100%成功率追收欠款嘅收數公司都係唔可信嘅。
- 聲稱同退休警司、律師、前美國FBI員工等合作： 雖然收數公司可以聘請退休高級警務人員，但大部份都有長俸，收入穩定，亦唔太可能會想喺退休後再擔任高風險工作。律師同會計師通常唔會俾收數公司公開佢哋之間嘅合作關係。前美國聯邦調查局（FBI）員工、台灣憲兵等人士更加唔太可能會公開自己身份。所以，如果一家收數公司聲稱同呢啲人士合作，客人應該保持警惕。
- 聲稱幫政府收數： 香港政府機構唔太可能委託收數公司追討欠款。客人應該特別注意，如果一家收數公司聲稱同政府機構有合作關係，客人應該要求收數公司提供相應證明。
點樣預防收數公司收費陷阱？
- 貨比三家： 選擇收數公司前要貨比三家，仔細了解各公司嘅收費模式、收費比例、公司規模同信譽等因素，選擇最符合你需求同預算嘅收數公司。
- 到訪公司面談： 如果一家收數公司要求先收取事前費用或訂金，客人應該預約到訪收數公司同接案人面談，觀察公司規模、人員陣容再作決定。
- 要求提供證明： 如果一家收數公司聲稱同政府機構或其他專業人士合作，客人應該要求收數公司提供相應證明。
總結
選擇收數公司前要小心陷阱，選擇一家有良好信譽同專業嘅收數公司。正常、合法嘅收數公司係會歡迎客人到辦公室同接案人面談，亦會尊重客人隱私同保密性。
搵收數公司？
Debt Hunter 成立於2009年，為中小企提供合法收數服務，追收團隊超過20人，絕無外判人員，已協助超過10,000家公司收回欠款，信用資料庫全港最齊，梗幫到你。
Debt Hunter 將通過不成功不收費、先調查後調解嘅模式，為傳統收數行業帶來新嘅變革，不斷為客戶創造價值，引領行業發展。