著套老西就當神仙？踢爆「西裝收數」4 大神化包裝：小心追數變買官非！
著套老西就當神仙？踢爆「西裝收數」4 大神化包裝：小心追數變買官非！
做生意被客拖數、交咗貨收唔到錢，仲要每個月硬食租金，諗起都火滾。心急想收返啲錢，上網 Google 一 search「收數」或者「收數公司」，真係大開眼界——個個網頁都著晒老西、握晒手，包裝到好似跨國投資銀行咁款，口號仲一個比一個浮誇。
但做老細嘅，最緊要識得睇穿把戲。坊間有啲機構明明只係一間普通商業諮詢公司，為咗搶生意，吹到自己上天下地無所不能，外行人睇落好似好正規，但只要稍為識少少法例同常理，就知破綻百出。
今日就同大家拆解吓，某啲同行點樣用「神化宣傳」扮正規，老細們又點樣避免踩中合規陷阱！
第一招：時空旅人？公司 2020 年開，宣傳「廿年功力」
打開某啲收數公司網站，大大隻字寫住「擁有超過 20 年經驗」、「20 年來案件成功率超過 90%」。老細睇到係咪覺得好穩陣、好有歷史沉澱？
但只要叫你個秘書上公司註冊處（CR）撳兩吓查冊，即刻穿崩——間公司成立得三五七年，甚至疫情期間先開檔！
佢哋嘅邏輯係：幾個合夥人甚至員工以前四圍打工嘅年資「拼貼」出嚟，當成係「公司嘅歷史」。公司法下法人實體係獨立嘅。對於面向個人債權人（例如私人借貸、個人名義收租）嘅追收服務，按香港法例第 362 章《商品說明條例》第 7A 條，商戶向消費者提供帶有虛假說明的服務，經公訴程序最高可罰款 50 萬兼坐 5 年監；而喺商業（B2B）層面，虛報年資亦屬嚴重嘅「虛假陳述」甚至涉嫌詐騙。連自己開咗幾多年都要弄虛作假嘅機構，你敢唔敢將公司嘅幾百萬應收賬款交俾佢搞？
Debt Hunter 點解經得起查冊？
第二招：數學天才？幾年間累積「三萬宗成功案例」
另一個笑死行內人嘅宣傳，係吹噓自己「累積超過 30,000 宗成功追收案例」。
大家不妨拎部計數機出嚟撳吓：
- 由 2020 年成立計到依家約 6 年時間，要完成 30,000 宗案件，即係平均每年要搞掂近 5,000 宗。
- 扣除紅日假期，相當於成間公司每日要成功結案近 20 宗！
你估收數係茶記淥個麵、馬會落完飛就搞掂？真正嘅商業應收賬款追討，牽涉單據審核、公司查冊、背景調查、同對家拉鋸談判，快都要幾星期，慢嘅幾個月。一間規模得單一商廈寫字樓嘅顧問公司，每日可以結案二十單？未經第三方核數師審計嘅天文數字，擺明係脫離商業常理嘅行銷神話。
真實產能係點？
Debt Hunter 17 年以嚟累積協助約 10,000 家企業，平均一年處理幾百宗實質商業爭議，扣除紅日假期平均每日只結案 2 宗。數字看似冇「30,000 宗」咁驚人，但全部合符正常團隊產能與調查質量，唔使靠吹。
第三招：特務上身？「人物定位監測」與「光速逼遷」
有啲機構為咗營造自己「好有辦法」，宣傳口吻開始走火入魔：
- 吹「高科技人物定位」：標榜有「人物定位監測系統」。醒醒啦，私人收數公司冇任何特許監察權！非法用儀器查人位置，直接違反《個人資料（私隱）條例》；如果私下起底騷擾對方家人朋友，更觸犯私隱條例第 64 條「起底罪」，最高罰款 100 萬兼坐 5 年！
- 吹「繞過法庭光速促使租客遷出」：租客欠租係好慘，但香港《業主與租客（綜合）條例》第 119V 條寫得清清楚楚，除咗經執達吏執行判令之外，任何人用騷擾手段非法逐客，都係刑事罪行！叫你繞過法庭私下逼遷嘅，出咗事業主隨時變共犯。
第四招：模糊法律界線？「中港律師團隊代辦入稟抽佣」
唔少網站大大隻字寫「中港律師團隊代辦入稟、不成功不收費按比例分賬」。
不成功不收費本身就冇問題，但唔該注意：收數公司 / 商業顧問公司唔係律師行，非合資格人士代辦訴訟已經違反《法律執業者條例》第 45 條；更嚴重嘅係，香港普通法依然禁止「包攬訴訟（Champerty）」！非律師機構代打官司再喺賠償入面分錢，成張合約直接無效之餘，仲係刑事罪行！
正規機構專注嘅係「庭外商事調解」，如果要上法庭，一定係由客戶獨立聘請執業律師行接手，分工必須清清楚楚。
點解 Debt Hunter 敢講自己零法律風險？
坊間機構講嘅「無風險」，係搏緊法例捉佢唔到；Debt Hunter 講嘅「零風險」，係因為我哋嚴守合規框架，保障客戶商譽：
- 查冊經得起考驗：合約主體聯合信用管理有限公司自 2009 年起合法經營，真實年資，公開透明。
- 堅持合法商事調解：唔搞非法定位監控、唔搞違法逼遷，專注運用查冊分析同談判技巧。
- 資金直接入客戶戶口：欠款由欠債人直接匯入債權人公司戶口，收數公司絕唔經手代收，杜絕洗黑錢同私設資金池風險。
各位老細，搵收數公司幫手追壞賬，係為咗解決麻煩，而唔係買多個麻煩返嚟。簽約之前，睇少啲誇張嘅宣傳大話，上 CR 查一查對方底細，先至係最精明嘅商業決定。
搵收數公司？
Debt Hunter 自 2009 年起為中小企提供合法收數服務，追收團隊超過 20 人，絕無外判人員，已協助超過 10,000 家公司收回欠款，信用資料庫全港最齊，梗幫到你。
Debt Hunter 將通過不成功不收費、先調查後調解嘅模式，為傳統收數行業帶來新嘅變革，不斷為客戶創造價值，引領行業發展。