90%嘅人唔知道，收數公司同財務公司喺本質上有唔同
喺香港，財務公司同收數公司數量眾多，但真正專注喺幫公司收數，做商業類收數嘅公司卻寥寥可數。財務公司主要處理個人借貸，只會偶爾提供收數服務，甚至係判出去俾收數公司幫你追，自己喺中間抽佣。而唔少收數公司都係主要專注喺幫財務機構收數，或者追私人數，喺商業類收數方面嘅經驗同能力有限。
對於商業客户嚟講，私人數同商業數喺本質上有唔同。商業數可以涉及嚴格嘅法律條文同程序，欠債人通常更敏感同謹慎。欠債人係公司，甚至係大公司，金額通常比私人數高。如果你委託咗唔熟悉追商業數嘅收數公司，唔單止令收數難度同時間會大增，更有機會因為人哋唔識收而令你蒙受非必要嘅損失。
曾經遇過唔少商業客講過，搵我哋之前交咗啲幾十、幾百萬嘅公司數俾財務公司追，人哋純粹打完兩三個電話俾欠債公司嘅對頭人，對頭人話辭咗職，就話聯絡唔到欠債公司嘅負責人，要求佢哋提供負責人嘅聯絡方法先會繼續進行追收程序。欠債公司嘅對頭人好多時都唔係公司負責人，委託人亦未必有對方負責人嘅聯絡方法。就算有負責人電話、地址，人哋話要對數，莫講睇T&C，嗰位收數同事連咩叫purchase order呢啲基本嘢都唔識。
想收公司數？就應該搵返專間做公司數嘅收數公司
喺香港搵真正專業嘅商業壞賬收數服務，建議選擇經驗豐富，專門追商業數嘅收數公司。一間 professionally managed嘅收數公司必定具備足夠經驗，熟練嘅操作，積極執行各種追收程序，喺收數過程中避免任何瑕疵，盡力幫你追返最多嘅金額，同時亦會定期提供追收進度。
經驗豐富而專門追商業數嘅收數公司，唔單止可以大幅提升收數效率同成功率，亦可以事先評估個案嘅難易程度同潛在結果，從而協助你制定最妥善嘅收數策略。
搵收數公司？
Debt Hunter 自2009年起為中小企提供合法收數服務，追收團隊超過20人，絕無外判人員，已協助超過10,000家公司收回欠款，信用資料庫全港最齊，梗幫到你。
Debt Hunter 將通過不成功不收費、先調查後調解嘅模式，為傳統收數行業帶來新嘅變革，不斷為客戶創造價值，引領行業發展。