選擇收數公司攻略

· 收數資訊,Debt Hunter,收數,收數公司

揀啱收數公司,可以將條數成功收返嚟,揀唔啱都可能會令你寢食難安,追收期間日日受氣,仲有可能要俾好多未知嘅額外費用。唔想做冤大頭,學識點樣去揀適合自己嘅收數公司,係最重要嘅一步。

 

選擇收數公司攻略

 

1. 選擇收數公司類型

收數公司可以分為3大類:電話中心財務公司信用管理

電話中心

主要業務就係提供外判聯絡服務,除咗包括電話銷售、問卷調查、會員管理,都會包括電話催繳欠款服務。

財務公司

主要業務就係提供借貸服務,除咗為自己收數外,會間唔中「兼職」幫其他客收數。

信用管理

即係專門做收數嘅公司,有啲專接財仔數,有啲專接公司數,有啲咩數都會接。

 

2. 報價前,先講你嘅情況

你究竟要收啲咩數?工程數、貨款、服務費定係私人數?搵收數之前,先組織一下要追啲咩數,追幾多錢,拖咗幾耐,有咩聯絡方法,如果係公司數,最好有張單據列明項目同金額。一般嚟講,越多爭議嘅行業(例如工程),越易中伏,亦都越要搵有經驗,甚至專門嘅收數公司去做。

 

3. 到收數公司面談

間間收數公司都話自己有強大嘅陣容,但係口講無憑,最直接嘅方法,就係要求上去收數公司傾。上去之前,你應該確保喺網上搵到間收數公司,否則就要問清楚對方係咪一間有商業登記嘅收數公司。

以下係上去收數公司傾嘅時候可以留意嘅事項:

整體感覺

收數公司俾你嘅第一印象係點樣?闊落、人多,定係劏房、共享辦公室?聽落去雖然空泛,但第一印象往往能夠話俾你聽間收數公司嘅陣容同實力。

行業知識

接案人多數係明你講咩,定係好多嘢都聽唔明,要反覆問你?同接案人嘅交談,就大約知道收數公司喺同類型個案嘅經驗。

 

4. 收數公司服務水平

所謂一分錢一分貨,影響收數收費嘅,除咗上面提到金額、賬齡、可聯程度,仲有服務水平,呢個包括咗爭議處理(例如對數)、風險管理、收數成效。例如一單工程數可以有過千個小項目,有啲數對唔啱在所難免,好多時都唔係非黑即白,對於呢啲產生嘅爭議,唔同嘅收數公司處理方法都唔同:有啲收數公司唔會同欠債人傾,只跟報價單嘅數去追;有啲收數公司會好似中間人,促進債主同欠債人達成共識,拎一個大家都接受到嘅金額。至於收數公司控制範圍以外嘅事故,例如係收數佬追數時俾對方打傷,有規模嘅收數公司傾向願意為呢啲意外提供保障,平價嘅收數公司就可能要同客戶共同承擔。

收數進度方面,用開收數公司嘅客人一般都唔會太多干涉,如果你要每事問、甚至規定收數公司用某種方式去追數或報告進度,預算就要提高一啲。

 

5. 收數公司收費

收費模式可以分為2大類:定額收費按成功回收比例收費

定額收費

即係完全劃一固定金額,或按個案嘅工作量計算,唔同回收金額掛鉤,一般由幾千到幾萬蚊都會有。由於收唔收到都需要支付收數費用,所以呢類收數公司唔太關心債項成因同證明,接洽過程較直接同快速。

按成功回收比例收費

市面上部份收數公司採用「按成功回收比例」模式收費,佣金比例由20%至50%不等,視乎金額、賬齡、可聯程度、爭議度,一般都會標榜「不成功不收費」。正如其名,呢類收數公司嘅好處係如果追唔到就唔洗俾錢,更變相「免費」出氣,所以呢種收費模式會令收數公司盡力提高回收金額。

點樣先知道收數公司嘅收費喺市場中係高定係低呢?金額、賬齡、可聯程度、爭議度等等,會大幅影響收費。你可以打電話去幾間唔同嘅收數公司,初步拎一啲粗略嘅報價做評估。當然,要拎一啲準確嘅報價,都仲要了解咗故事內容同埋欠債人嘅身份。因為一啲增加收數成本嘅情況,例如欠債人欠債累累、有「天龍人」背景等等,都要知道欠債人身份後,做咗初步評估先會發現。而家好多收數公司都提供免費欠債人評估,不妨貨比三家。如果確定要搵收數公司幫手,留意委託文件不宜太簡短,除咗詳細列明收費,亦應該列有雙方嘅權利同埋義務等等。

 

Debt Hunter做法:100%保證合法「按成功回收比例」模式收費(不成功不收費)為主。

只要客人能提供欠債人有效聯絡電話/地址,我哋係唔會收取任何起動費、行政費、調查費、法律費。安排欠債人直接還款至客人嘅銀行戶口後,確定收妥後再由客人拆賬俾我哋公司。

至於拆賬拆幾多,視乎三個基本原則: 逾期賬齡、可聯程度、爭議度

俾我哋了解你嘅個案,初步判斷追收難度再作報價。​