俾人走數仲要扮體諒？揭秘無賴債仔神邏輯：選擇收數公司必讀指南
俾人走數仲要扮體諒？揭秘無賴債仔神邏輯：選擇收數公司必讀指南
贏咗張單，輸咗尊嚴？做生意點解要做到咁委屈？
做生意，本來係一手交錢一手交貨，但現實往往係：你交咗貨，對方就變咗大爺。
每次追數，錢又追唔到，你仲要包容佢嘅情緒，理解佢嘅現金流壓力，甚至要配合佢嘅表演。你想追返自己辛苦賺返嚟嘅血汗錢，結果反而變成你「唔夠成熟」、「破壞大家嘅關係」，甚至屈你「心狠手辣」、「唔念舊情」。
呢種委屈，我相信好多做老闆都感同身受。面對呢啲無賴企業，我哋到底可以點做？今日，我哋就嚟探討一下，面對商業爛數，市面上嘅收數公司到底有咩分別，又應該點樣揀一把最適合自己嘅「追討武器」。
判決書係廢紙？睇清債仔嘅無賴神邏輯
好多老闆一開始遇到走數，第一時間就諗住搵律師、打官司。但殘酷嘅現實係，法庭並唔能夠解決所有問題。
你有冇試過，辛辛苦苦打贏咗官司，但執行先係噩夢嘅開始？法官宣判嗰一刻，張判決書對住一個職業債仔嚟講，根本就係一張廢紙，甚至連廁紙都不如。點解？因為佢根本連庭都冇出，判咗又點？對方公司名下根本冇資產，或者一早轉移晒。
呢啲無賴老闆嘅邏輯永遠得一個：「錢入咗我袋，就屬於我嘅。我找俾你就係恩賜；我唔找俾你，就係我本事。」
當法律程序漫長又無法保證追得返欠款時，收數行業就有價值。但市面上有各式各樣嘅收數公司，到底點樣搵一間最適合自己嘅收數公司？
收數公司類型：「SOP流程派」 VS 「街頭實戰派」
要對付債仔，你要先了解你嘅「武器」。一般嚟講，我哋可以將收數公司分為兩大流派：
A. 西裝骨骨嘅「SOP流程派」
呢類通常係具備一定規模嘅大公司，做嘢極度標準化。一接單：寄催繳信、打電話、發律師信。
- 老闆心聲：「寄下信、打下電話嗰啲冇Q用啦！我自己寄都得啦，使鬼俾佣金你賺？」
- 現實拆解：面對無賴企業，你打電話，對方永遠有藉口：「銀行系統維護」、「轉賬限額唔夠」、「Angel（會計同事）放假」。呢啲流水式作業對付一般大頭蝦客可能有用，但對住有心拖數嘅賴皮客，殺傷力的確有限。不過，好處係極度合規，所有行動都有完整記錄。
B. 窮盡一切手段嘅「街頭實戰派」
呢類團隊唔同你講太多廢話，講求實地考察、踩上Office拜訪、貼身追擊，務求俾債仔管理層最直接嘅心理壓力，甚至令佢喺員工同拍檔面前落唔到台。
- 老闆心聲：「上門係咪真係合法㗎？會唔會搞到我上身，無啦啦惹官非？」
- 現實拆解：呢個係最多人嘅顧慮。大家要記住一個重點：成功率固然重要，但一定要搵合法嘅收數公司。一間專業合法嘅實戰派收數公司，絕對唔會用淋紅油、恐嚇等犯法手段。佢哋識得運用合法嘅心理戰術、談判技巧同施壓策略。優點係效率高、夠貼地；缺點係如果間公司管理唔好，個別前線人員情緒失控，就算合法，都可能會有公關風險。
換轉係你，你會點揀？
如果你個客已經用「會計未返工」拖咗你足足半年貨款，對方老闆仲喺Facebook post去日本滑雪嘅相，你會點揀？
- 繼續包容佢，等佢個會計「返工」
- 搵律師/斯文收數寄封催繳信，希望佢滑完雪會良心發現
- 搵兩三個專業收數專員直接踩上佢公司，等佢知道你唔係咁好恰
喺商業世界，過份嘅仁慈就係對自己嘅殘忍。有時候，要逼出對方個「會計」，你需要嘅係實質嘅行動壓力。
剛柔並重，先係終極殺著
咁到底邊一類先係最好？作為身經百戰嘅 Debt Hunter，我俾大家嘅結論係：最完美嘅收數公司，必須要係「公司層面流程化，執行層面實戰化」。
喺公司管理、合約保障同案件分析嘅層面，必須要嚴謹：合法合規、保障債主免受牽連；但一到咗前線執行嘅層面，就必須具備狼性同靈活，識得見招拆招。
面對欠款，你唔需要包容老賴嘅情緒，你只需要一個能幫你討回公道嘅專業團隊。
搵收數公司？
Debt Hunter 自2009年起為中小企提供合法收數服務，追收團隊超過20人，絕無外判人員，已協助超過10,000家公司收回欠款，信用資料庫全港最齊，梗幫到你。
Debt Hunter 將通過不成功不收費、先調查後調解嘅模式，為傳統收數行業帶來新嘅變革，不斷為客戶創造價值，引領行業發展。