深入了解收數公司種類、收費策略、做法,全面掌握收數相關知識

· Debt Hunter,收數資訊,收數,收數公司

收數係指追收拖欠款項嘅行為,而收數公司就係專門從事收數業務嘅機構。喺香港坊間有唔少嘅收數公司,通常都會用一啲文雅嘅稱呼,例如賬務催收、信用管理、資產管理公司等。深入了解收數公司嘅收費策略同做法後,可以幫你全面掌握收數相關知識,揀一間最適合自己嘅收數公司。以下係一啲關於收數公司嘅種類、做法、收費模式:

深入了解收數公司種類、收費策略、做法,全面掌握收數相關知識

4個種類收數公司嘅做法

收數公司一般嘅做法不外乎係寄信、打電話、上門追數等等,但根據唔同公司嘅背景,收數公司大致可以分為4個種類: 

1. 電話中心

呢一種收數公司真係純粹打電話,提供最基本嘅收數服務。但由於流程固化,缺乏彈性,所以難以處理有爭議嘅款項,更加唔能夠同欠債人建立信任。

2. 財務公司

財務公司主要關注借貸業務,而唔係收數業務,收數只係「兼職」。因為缺乏專業嘅收數知識同技能,往往難以應對具爭議嘅款項。

3. 一人收數公司

一人收數公司係小型公司,由一個人充當接案人兼收數員。由於資源有限,佢冇辦法處理大量嘅案件,亦冇辦法承擔涉及大額款項,或需要深入調查嘅案件。

4. 具規模嘅收數公司

相比一人收數公司,具規模嘅收數公司擁有專業嘅收數團隊同相關資源,擁有專業嘅收數技能同法律知識,有更完善嘅風險管理系統同程序,以保障客人嘅利益。另外,具規模嘅收數公司仲可以提供多樣化嘅收數服務,例如角色扮演、調查同調解等服務,更好咁處理爭議同解決問題。

 

收數公司做法、催收手法

收數公司嘅操作方式可分為三個階段,包括調查、追討行動同埋談判/調解。喺欠債人未還款嘅情況下,收數公司會透過多種方式聯絡欠債人,不外乎都係電話、寄信、上門追討等,而關鍵係點樣有效咁去進行呢一啲行動:

1. 收數公司嘅調查行動

喺進行追討行動前,收數公司會先進行詳盡嘅調查,包括檢查欠債人嘅資產、信用記錄同法庭紀錄,以評估佢嘅整體財務狀況同還款能力。

2. 收數公司嘅追討行動

如果欠債人係個人,收數公司會派人到欠債人嘅屋企同其他相關物業進行交涉,同時亦會實地考察欠債人所任職嘅公司,同欠債人嘅親友或其他相關人士聯絡,套取更多有用嘅資訊。如果欠債人係公司,收數公司會派人到欠債公司嘅各個營業點、辦公室,甚至係仍然進行緊嘅地盤施加壓力。另外,收數公司仲會拜訪欠債公司董事或股東所持有嘅其他公司嘅營業點,搵出佢哋更多痛點同收入來源。

3. 收數公司嘅談判/調解服務

當欠債人願意解決事情,隨即進入談判或調解嘅階段。收數公司會運用專業嘅調解技巧,針對欠債人嘅痛點進行談判,解決爭議。同時,收數公司都會為欠債人保留一定嘅談判空間,以達成共同協議,取得具體嘅還款方案同日期。喺成個談判過程中,收數公司會努力建立同欠債人嘅互信,控制談判節奏並有效運用時間,以爭取最理想嘅還款結果。

 

收數公司收費策略

唔同嘅收數公司收費方式可能有所唔同,所以喺選擇收數公司時候,應仔細了解收費方式同條款,確保收費方式合理、公正、透明,同埋符合法律法規嘅要求。收數公司收費模式大致可以分為2個種類:

1. 定額收費

呢種收費方式,可以完全按照固定金額或個案工作量計算,收費金額一般喺幾千到幾萬蚊之間,而且同回收金額唔掛鉤。由於成功與否都需要先支付收數費用,所以呢啲收數公司通常唔太關心債項成因同證明文件,接洽過程比較直接同快速。所以喺委託前清晰了解收數公司嘅背景和規模十分重要。

2. 按成功回收比例收費

部分收數公司採用「按成功回收比例」模式收費,佣金比例通常喺20%至50%之間,視乎逾期賬齡、可聯程度同爭議度而定,而且一般都會標榜「不成功不收費」。故名思義,委託呢種收數公司嘅好處就係如果收唔返條數,客人唔需要承擔任何金錢成本,更變相「免費」出氣。由於收數費用係按比例計算,成功回收金額越高,收數佣金都越高,所以呢種收費方式會令收數公司盡力提高回收金額。

 

Debt Hunter做法:100%保證合法「按成功回收比例」模式收費(不成功不收費)為主。

只要客人能提供欠債人有效聯絡電話/地址,我哋係唔會收取任何起動費、行政費、調查費、法律費。安排欠債人直接還款至客人嘅銀行戶口後,確定收妥後再由客人拆賬俾我哋公司。

至於拆賬拆幾多,視乎三個基本原則: 逾期賬齡、可聯程度、爭議度

俾我哋了解你嘅個案,初步判斷追收難度再作報價。​