2024年，收數行業越嚟越透明，越嚟越企業化，越嚟越多企業會選擇委託收數公司追數。雖然間間都聲稱自己合法，不過依然有啲收數公司存在背叛委託人嘅行為。
不良收數公司背叛委託人：袋住先
我哋上年認識到一間食品供應商。供應商曾經搵過一間收數公司，向一間餐廳追討HK$800,000嘅貨款。呢間收數公司確實幫到供應商成功追到HK$50,000，然後同供應商講，叫供應商「袋住先」，會繼續追埋剩低嘅HK$750,000。最後佢哋話追唔到，要退Case唔再追落去。雖然冇俾原因，但供應商依然感謝佢哋嘅付出。
不過，事情嘅真相慢慢浮出水面。供應商後來搵咗我哋幫手追埋條尾數。當我哋聯絡餐廳嘅時候，餐廳負責人向我哋提供咗同上一間收數公司嘅WhatsApp對話。嗰間收數公司最初接觸餐廳，餐廳就話生意唔好冇錢俾，仲暗示自己有大哥罩。而嗰間收數公司就同餐廳講，只要餐廳肯找HK$50,000，佢哋就可以幫餐廳搞掂供應商，令供應商唔再追落去。換句話嚟講，嗰間收數公司為咗自己嘅利益，選擇背叛委託人，同欠債人夾埋對付委託人。
揀啱嘅收數公司嘅重要性
一間收數公司應該同委託人嘅利益一致，唔係同欠債人夾埋對付委託人。委託人需要一間能夠代表佢哋利益嘅收數公司，將收返嚟嘅金額最大化。除咗要合法之外，最重要係尊重委託人嘅要求同埋保護委託人嘅利益，並提供透明同誠實嘅進度更新。
雙方達成共識嘅重要性
上面個Case，顯示咗雙方達成共識嘅重要性。收數公司唔應該擅自幫委託人揸主意然後呃委託人，而係應該同委託人溝通，一齊制定追收策略。嗰間收數公司擅自同欠債人達成協議，而冇經過委託人同意。呢種行為唔單止違反咗委託人嘅要求，亦損害咗委託人嘅利益。
收數公司嘅角色除咗俾壓力欠債人以外，應該要協助委託人同欠債人達成共識：促進雙方搵出一個可接受嘅解決方案。達成共識後唔止有助收返條數，亦可以阻止雙方嘅關係惡化，避免再出現爭議。
揀收數公司有幾個重要嘅考慮因素
1. 專業度
確保收數公司對你個行業有基本認知。間間收數公司都話自己經驗豐富，非常專業。當你同佢哋講完條數嘅來龍去脈，如果佢哋滿頭問號，唔識你嗰行嘅專有名詞 (例：話自己追開建築數，但唔知咩叫Retention，連VO都唔知，仲係咁問你咩叫QS)，就證明佢哋好少做你呢類型嘅數；相反如果你一講佢就明，我建議你一試無妨。
2. 信譽
睇下收數公司嘅評價同埋信譽。你可以睇下網上評論，又問下啲朋友嘅意見。如果你Google見到間收數公司不停俾啲疑似欠債人喺啲討論區鬧，甚至起曬啲收數電話出嚟，證明佢哋喺處理同欠債人關係上比較弱。一間有實力嘅收數公司，根本唔會輕易俾欠債人知道自己係邊間，會保持神秘感。
3. 透明度
收數公司嘅收費雖然唔係海鮮價，但金額、聯絡方法、賬齡、爭議度會的確影響收費。收數公司有冇委託合約，寫明收費點計，有冇額外收費，委託期幾耐，同埋究竟條數係入落收數公司定直接入你戶口，有冇其他條款，呢一啲你都要好留心。
4. 服務範圍
有啲收數公司追開財仔數，有啲追開商業數；有啲強硬嘅上門收數，有啲斯文嘅成個Call Centre出信打電話粗口都唔講得。所以，你要了解間收數公司嘅服務範圍適唔適合你嘅需要。
搵收數公司？
Debt Hunter 成立於2009年，為中小企提供合法收數服務，追收團隊超過20人，絕無外判人員，已協助超過10,000家公司收回欠款，信用資料庫全港最齊，梗幫到你。
Debt Hunter 將通過不成功不收費、先調查後調解嘅模式，為傳統收數行業帶來新嘅變革，不斷為客戶創造價值，引領行業發展。